Јавен повик за Правен Експерт/ка за подготовка на методологија и Предлог текст на Закон за измени и дополнување на Законот за младинско учество и младински политики

Коалиција СЕГА за потребите на проектот „Граѓанското општество во унапредување на регулативата за млади“ објавува јавен повик за ангажирање правен експерт/ка за подготовка на методологија и Предлог текст на Закон за измени и дополнување на Законот за младинско учество и младински политики.

ПОТРЕБНИ КВАЛИФИКАЦИИ И КРИТЕРИУМИ ЗА ИЗБОР НА ЕКСПЕРТИ

• Завршени додипломски студии во полето на правните науки на предложениот експерт/ка (завршени постдипломски и/или докторски студии ќе се смета за предност)
• Познавање на правниот контекст поврзан со младинските политики
• Претходно искуство во подготовка на предлог законска регулатива
• Искуство во анализа на законска регулатива

ПОСТАПКА И ПРАВИЛА ЗА ПРИЈАВУВАЊЕ, РОК И ИЗБОР

Овој повик е јавен.

Секој што ги исполнува потребните квалификации може да се пријави на овој повик на:

Оваа е-адреса е заштитена од спамботови. Треба да ви е овозможено JavaScript за да ја видите.

со назнака: ,,Пријава на јавен повик за правен експерт”

Со доставување на следнава документација:

1. Професионална биографија (CV)
2. Писмо за интерес
3. Доказ за ангажман во подготовка на минимум 1 предлог текст за измени и дополнување на законска регулатива

Краен рок за доставување на пријавите е 05 септември 2024 година, најдоцна до 16:00 часот.

⇓ ⇓ ⇓ ⇓ ⇓

Јавен повик за ангажирање правен експерт/ка за подготовка на методологија и Предлог текст на Закон за измени и дополнување на Законот за младинско учество и младински политики

Проектот „Граѓанското општество во унапредување на регулативата за млади“ има за цел граѓанскиот сектор активно да се застапува за унапредување на постојната законска регулатива за младинско учество, со што ќе се придонесе кон зајакнување на улогата на граѓанското општество за суштинско и транспарентно учество во процесите на донесување на одлуки и креирање политики. Проектот го спроведува Коалиција на младински организации СЕГА со поддршка на регионалниот проект СМАРТ Балкан - Граѓанско општество за поврзан Западен Балкан имплементиран од Centar za promociju civilnog društva (CPCD), Центар за истражување и креирање политики (ЦИКП) и Институт за демократија и медијација (ИДМ), а финансиски е поддржан од Министерството за надворешни работи на Кралството Норвешка.