• кои се независни, имаат сопствен Статут и програма и се регистрирани според важечката законска регулатива
• каде мнозинството од членовите се млади луѓе
• кои развиваат и водат програми за млади

Одговорностите на организациите членки вклучуваат: редовна исплата на членарина; редовна комуникација со персоналот на централната канцеларија на СЕГА; доставување информации до СЕГА за нивните точни податоци за контакт, организациска позадина вклучувајќи ги мисијата и визијата на организацијата на македонски и на англиски јазик; примање и споделување написи и информации до други релевантни чинители на барање на СЕГА; придонес во секое истражување и прашање поврзано со организациските политики, консултации, состаноци на Собрание на СЕГА или други форми за учество организирани од СЕГА; учество на настани организирани од СЕГА на локално и национално ниво; учество во спроведувањето на програмите на СЕГА; развивање и негување на угледот на СЕГА итн.

Постојат две нивоа на членство во СЕГА: Основни организации членки и придружни организации членки.

Основните организации членки ги имаат следните права:

• право на глас и право на учество во донесување одлуки за сите прашања релевантни за работата на Коалицијата на младински организации СЕГА
• право нивните претставници да избираат и да бидат избрани во сите тела на СЕГА
• право на учество во спроведувањето на програмите и стратегијата на Коалицијата
• развивање и негување на угледот на СЕГА
• редовно плаќање членарина

Придружните организации членки имаат право да учествуваат во работата на Собранието на СЕГА со еден претставник, имаат право да учествуваат во дискусијата и да даваат предлози без право на глас. Телата на СЕГА може повремено да вклучуваат претставници на придружните организации членки. Придружните организации членки имаат право да учествуваат во спроведувањето на програмите и стратегијата на СЕГА.

Членството во СЕГА може да престане поради:

• губење на правниот статус на организацијата членка
• повлекување на членството
• исклучување од СЕГА поради прекршување на Статутот и/или други правилници што ќе ги донесе СЕГА

Како организација членка на СЕГА, вашата организација:

• станува дел од националната платформа на младински организации посветени на создавање на позитивни општествени промени за подобрување на целокупната состојба на младите во Македонија
• има пристап до алатките и ресурсите на СЕГА кои можат да и помогнат на вашата организација да планира, имплементира и оценува настани и проекти
• има ексклузивно право на многу можности, како финансирање на одредени активности, видливост, учество во процесите на донесување одлуки и учество на високо профилирани настани како што се конференции, структуриран дијалог, панел дискусии итн.
• добива редовно информирање за македонските и европските програми, фондови и процедури и има можност да добие поддршка и експертиза во управувањето со проектен циклус и имплементација на проекти
• добива пристап до експерти и консултанти на национално и меѓународно ниво, професионални мрежи, агенции за консултации, како и пристап до мрежите во кои СЕГА има членство вклучително во АЛДА и ЦИВИКУС

Сите заинтересирани младински организации и организации кои развиваат и работат на младински програми може да аплицираат за членство во СЕГА со доставување на следните документи:

1. Апликација за членство во Коалицијата СЕГА
2. Копија од документ(и) за регистрација од Регистарот на здруженија и фондации издадени од Судот или Централниот регистар на Р. С. Македонија
3. Официјална одлука за пристапување кон членство во СЕГА, донесена од страна на управувачки орган на организацијата
4. Последен годишен извештај на организацијата

За поеќе информации ве молиме контактирајте не на sega@sega.org.mk или на телефонскиот број +389 (0) 48 429 390

Доколку некоја придружна членка е подготвена да го промени својот статус во основна организација членка, таа треба да поднесе официјално барање до СЕГА. За ова барање одлучува Собранието на СЕГА.

Исто така, постои можност основната организација членка да го промени својот статус во придружна членка, по барање на самата организација (според истата процедура опишана погоре) или со одлука на Собранието на СЕГА според Статутот на СЕГА.

Основните организации членки имаат право да учествуваат во работата на Собранието на СЕГА како надреден орган на СЕГА.

Исто така, претставници на основните организации членки имаат право да бидат избрани за членови во Управниот одбор на СЕГА.

Сите организации членки можат да влијаат на политиките на СЕГА преку анкети, прашања поврзани со организациските политики, консултации и/или други форми на учество организирани од СЕГА.